食嘢生癌、搭車好難、議員發呆、中女難做、警察被胸傷，但永恆的卻是亞視，還有返學身處無間地獄的學生們。

好明顯，喺個社會廢，先出到所謂廢青。隱敝青年所謂隱敝，其實有上網的話，唔係隱敝，係隱世。成人有錢人的避世版，是移民，或幻想移民。青年，甚至青年的老母，哪有錢？

廢青已困在維港，但班大人點睇廢青？

主播黃慘盈有一段形容廢青的：「你哋一個二個聽朝唔駛返工咩？你班廢青！哼！錢未唔係搵得多，日日淨係識得係度上網玩Facebook做網民，真係膚淺。你呀 … …一世都買唔到樓㗎啦？！？所以話呢，網絡上面果班人全部都係社會上的失敗者嚟。」

讀書要有12個A，天天勤力返工、搵到好多錢、要買到樓，但係呢啲標準係邊個定？大人又有幾多個真‧做到？

毛記透過《廢鐵是怎樣煉成的》發表一個疑似回應，甚至可以當成宣言：

「我變做了廢鐵　但未完全勝利　頹就馬上食個梨
我都想可以富裕到　仿似慈禧
賤賣我那顆心　就唔OK」

一班年青人、一直自稱為支流嘅網上媒體，昨晚便認認真真證明俾你睇，成就了一件城中大事。佢地沒賤賣自己一份赤誠，佢哋尋晚努力地工作表演，起碼有糧出，facebook的洗版就好像無數支持鼓勵掌聲。

佢哋更加無忘本，記起提攜自己嘅俞琤，要分個最高榮譽大紫荊分獎，表達感謝；佢哋仲記得伴侶的支持，雖然婚姻背後係難嘅，但係能夠係「婚姻中雙雙老去」，「未家變」係一個唔Sweet嘅表白。

主播利君牙在上話：「我們的目光好淺視野好窄也好懶，談亞太區太遠了會好攰，所以只是留係睇香港。」由一個河國榮唱既香港地，「唔理事情幾困難，呢度係我地屋企，依家係，將來都係。」，表達左國藉係唔重要，大家都會留係呢個地方嘅宣言。

講到呢度，你都仲係覺得佢哋係真‧廢青。咁我只可以講你有真‧代溝。當有些人仲以為上網就是隱青，還覺得佢哋有問題要拉佢哋出網絡世界，其實新生代上網一早已是孕育其中，上網如呼吸般自然。反觀，你又有幾多時間，上Facebook睇下佢哋講乜？

不過唔緊要，反正你唔明白，佢哋仍然都係佢哋，世代依然會交接。

「我變做了鋼鐵　勝在同埋你哋 成就廢燉嘅世紀
若我金毛已夠　包養自己
又哪用似曾江　整黑髮尾」

「我係廢吹咩　廢得起」

認真做膠事，一切嘅砥礪、切磋，又豈會徒然呢？我很期待未來呢個廢燉嘅世紀！

P.S. 感謝　‪#‎100毛‬ ‪#‎毛記電視‬ ‪#‎腦細‬　‪＃‎林日曦‬　俾我地生命工場呢個咁細嘅機構一個互撐機會。雖然我哋能力太小，但我哋一直都投你哋信任嘅一票！‪#‎24小時oncal‬　工作做到發晒癲嘅毛毛’s，特別係大家乜都唔知低下，仍然肯互拋橋讓奇蹟發生。

P.S. 對於　‪#‎多謝Shell‬　嘅討論，大家咁開心地大叫　#多謝Shell，係因為100毛嘅毛孩，一直睇住自己同100毛俾主流否定，而最終竟然有跨國大公司的支持，當中的一份肯定，#多謝Shell　有吐一口嗚氣的象徵意義。大家認真提提都好，鬧還鬧，唔好打面。

#為生命打氣 #為廢青打氣 #為窮L打氣 #為腐女打氣 #為毒男打氣